Հասարակություն

75-հոգանոց անձնակազմը ինքնամեկուսացվել է աշխատակցի կորոնավիրուսով վարակման փաստի բացահայտման կապակցությամբ

Կորոնավիրուսից ինքնամեկուսացել է «Հայաէրոնավիգացիա» ՓԲ ընկերության անձնակազմը, որը պատասխանատու է Հայաստանի Հանրապետության տարածքում և Հայաստանի երկու միջազգային օդանավակայաններում անվտանգ օդային երթևեկության կազմակերպման համար: Կորոնավիրուսով վարակման վտանգի պատճառով  աշխատակիցները ինքնամեկուսացվել են ընկերության վարչական շենքում: 

Որոշումը կայացվել է համատեղ՝ առողջապահության նախարարության, Քաղաքացիական Ավիացիայի Կոմիտեի և «Հայաէրոնավիգացիա» ՓԲԸ-ի ղեկավարության կողմից։ 

Հարկադիր նախազգուշական միջոցներ են ձեռնարկվել Էջմիածնում ընկերության աշխատակցի կորոնավիրուսով վարակման փաստի բացահայտման կապակցությամբ:

Երկրի օդային երթեւեկության շարունակական սպասարկումն ապահովելու համար շենքում ներկա պահին գտնվում են ընկերության ղեկավարությունը՝ գլխավոր տնօրեն Արթուր Գասպարյանի գլխավորությամբ, ավիակարգավարների, ինժեներատեխնիկական  մասնագետների անհրաժեշտ նվազագույն  75-հոգանոց անձնակազմը:

Ընկերության ղեկավարությունը հրատապ կազմակերպել և ձեռնարկել է բոլոր անհրաժեշտ միջոցները կարանտինի տակ գտնվող անձնակազմի շարունակական աշխատանքը և հանգստը, ի սկզբանե 14 օր տևողությամբ: 

«Զվարթնոց» օդանավակայանի տարածքում գտնվող ընկերության վարչական շենքը ոչ ոք չի կարող մուտք գործել, ինչպես նաև լքել այն: Այս որոշումը կապահովի անխափան օդային երթևեկությունը Հայաստանի Հանրապետության օդային տարածքում, ինչպես նաև երկրի երկու միջազգային օդանավակայաններում:

Կարդացեք նաեվ

Ի՞նչ է անհրաժեշտ ՀՀ օդային սահմանով Հայաստանի տարածք մուտք գործելիս

Irina Abovyan

Մինչ կառավարությունում մեղավորներ են փնտրում կորոնավիրուսի տարածման մեջ, լարված իրավիճակը Բագրատաշենի անցակետում քանի օր է, պահպանվում է. ազգությամբ հայ ՌԴ քաղաքացիները՝ ի նշան բողոքի, փակել են անցակետը. ՖՈՏՈՌԵՊՈՐՏԱԺ

Irina Abovyan

ԱՄՆ-ում ստեղծվել է կորոնավիրուսի դեղամիջոցը

Irina Abovyan

Դիմումի հիման վրա կենսաթոշակը կվճարվի անկանխիկ կամ կանխիկ եղանակով, եթե լրացել է կենսաթոշակառուի 75 տարին. նախագիծ

Irina Abovyan

Էլեկտրագնացքներում և կայարաններում ձեռնարկվում են ախտականխիչ միջոցառումներ.ՀՀ կառավարություն

Irina Abovyan

Օդի ջերմաստիճանն էապես չի փոխվի․ սպասվում է +38 աստիճան տաքություն․ ԱԻՆ

Irina Abovyan