Քաղաքականություն

Հայաստանում կորոնավիրուսի ազդեցությունը շատ տեսանելի է զբոսաշրջության ոլորտում. ձևավորում է մեկ ընդհանուր շտաբ. Տիգրան Ավինյան

ԿՈՐՈՆԱՎԻՐՈՒՍ

Մարտի 14-ին փոխվարչապետ Տիգրան Ավինյանի գլխավորությամբ կառավարությունում տեղի է ունեցել խորհրդակցություն Հայաստանի տնտեսության վրա կորոնավիրուսի տարածմամբ պայմանավորված բացասական հետևանքների հակազդման քաղաքականության փաթեթի մշակման վերաբերյալ։ Այս մասին հայտնում են ՀՀ փոխվարչապետի գրասենյակից:

Փոխվարչապետը ասել է․

«Ինչպես գիտեք նոր տեսակի կորոնավիրուսը բացի մարդկային կյանքերին ու առողջությանը վնաս հասցնելուց, նաև էական վնասներ է հասցնում համաշխարհային տնտեսությանը, ինչպես նաև ամեն առանձին երկրում որոշակի խնդիրներ և բացասական երևույթներ առաջանում են: Եվ, մասնավորապես, Հայաստանում դա շատ տեսանելի է զբոսաշրջության ոլորտում, որը բնական է:

Այսօր մենք կքննարկենք այն առաջարկները, որոնք ձևավորվել են տարբեր գերատեսչությունների կողմից: Կարծում եմ շատ կարճ ժամկետներում կամբողջականացնենք գործողությունների ծրագիր, որը մեզ հնարավորություն կտա որոշ չափով կանխարգելելու և մեղմելու հետևանքները, ինչպես նաև հեռանկարում որոշակի հնարավորություններ ստեղծելու:

Բայց սոցիալ-տնտեսական հարցերից զատ, կուզնայի նաև ներկաներին տեղեկացնել այն աշխատանքների վերաբերյալ, որոնք իրականացվում են, կարելի է ասել, 24-ժամյա ռեժիմով։ Բոլորդ արդեն տեղեկացել եք նոր հայտնաբերված դեպքերի վերաբերյալ և այդ դեպքերը հիմնականում կրկին այն շրջանակից են, որոնք գտնվել են կարանտինի մեջ և հայտնի նշանդրեքի մասնակիցներ են։

Ձևավորում է մեկ ընդհանուր շտաբ Առողջապահության նախարարության, ուժային կառույցների, տեսչական մարմնի աշխատակիցների մասնակցությամբ, որը զբաղվում է որոնողական աշխատանքներով և այս պահի դրությամբ բավականին արդյունավետ այդ աշխատանքները իրականցվում են։ Մեր գրասենյակը, Առողջապահության նախարարությունը ու Արտաքին գործերի նախարարությունը կրկին ամենօրյա ռեժիմով աշխատանքի մեջ են լինելու»։

Խորհրդակցության ընթացքում քննարկվել են Հայաստանի տնտեսության վրա պոտենցիալ ազդեցությունները հնարավորինս ամբողջական ծավալով բացահայտելուն և գնահատելուն ուղղված աշխատանքները։ Մանրամասն անդրադարձ է կատարվել իրադարձությունների զարգացման տարբեր սցենարներից կախված՝ կարճաժամկետ ու միջնաժամկետ կտրվածքով սոցիալ-տնտեսական խթաններին ու գործիքներին։ Մասնակիցները ներկայացրել են նախնական առաջարկություններ, և որոշվել է, որ փոխվարչապետի գրասենյակի ներքո կձևավորվի տնտեսական օպերատիվ խումբ՝ ամենօրյա ռեժիմով աշխատանքները շարունակելու և գործողությունների միասնական փաթեթ ներկայացնելու համար։

Կարդացեք նաեվ

Եթե այս ցույցի մասնակիցների պատճառով եղավ կորոնավիրուսի տարածում, ապա ԲՀԿ֊ն քաղաքական և բարոյական պատասխան է տալու ողջ հայ ժողովրդի առաջ

Irina Abovyan

Հայերը ստիպեցին Ալիևին արտասվել․ ԱՅՍ ՇՐՋԱԴԱՐՁԸ ՉԷՐ ԿԱՆԽԱՏԵՍՎԵԼ / Սա դեռ սկիզբն է

Irina Abovyan

Ի՞նչ են պայմանավորվել Հայաստանի, Ադրբեջանի և Ռուսաստանի ղեկավարները․ համատեղ հայտարարության տեքստը

Irina Abovyan

ՎԱՆԵՑՅԱՆ ՄՈՐՔՈՒՐ չփորձես խաղեր տալ․ ԹՔԵՄ ՔՈ ՆՄԱՆ ՏՂԱՄԱՐԴՈՒ ՃԱԿԱՏԻՆ

Irina Abovyan

Ես փորձում եմ չզանգեմ Ձեզ, ՊՆ փոխնախարարին չպետք է ծանրաբեռնենք նման հարցերով

Irina Abovyan

«Երբ Հայաստանը հայտարարում է գազի միասնական սակագնի մասին, սպասարկում է Մինսկի շահը, ինչը քաջ գիտակցում են նաև Մոսկվայում»

Irina Abovyan