Շոու-բիզնես

«Հերիք եղավ». «Վիտամինի» տղաների բոյկոտը կանանց Արամ MP3-ի նոր տեսահոլովակում

Երգիչ Արամ MP3-ն երեկ տեսահոլովակ է նկարահանել «Հերիք եղավ» երգի հիման վրա: Հումորային նոր աշխատանքով Արամն ու «Վիտամինցի» ընկերները՝ Գարիկը, Վաչեն, Գրիգը, Մհերը, Վանը, ասում են «ստոպ» կանանց այն արարքներին, որոնք նյարդայնացնում են տղամարդկանց:

Արամը տեսահոլովակի լուսանկարները տրամադրել է Tert.am Life-ին ու պատմել նկարահանումների ընթացքի ու սպասվող աշխատանքի մասին:

Նոր տեսահոլովակը երգիչն իր լսարանի դատին կհանձնի Մարտի 8-ին: Օրվա և թեմայի ընտրությունն արդարացված է, քանի որ կանանց մասին որքան էլ կատակում են, վերջում «սխալներն ուղղում են»:

«Հումորային ակնարկ ենք արել կանանց միամսյակի հետ կապված, քանի որ աղջիկների որոշակի դրսևորումներ տղամարդկանց մոտ առաջացնում են «հերիք եղավ, բոլ եղավ» արձագանքը: Թեմային անդրադարձել ենք մի քիչ այլ տեսանկյունից: Բոլոր ընկերներով հավաքվել էինք մի տեղ ու բոյկոտում էինք այս իրավիճակը»,- ծիծաղելով ասաց երգիչն ու հավելեց, որ տեսահոլովակում նկարահանվել են այն ընկերները, որոնք այս պահին երկրում էին:

Տղաներից յուրաքանչյուրն իր լսարանն ունի, ինչը մեխանիկորեն ավելի է մեծացնում տեսահոլովակի լսարանը: Հարցին՝ թե որքանով է հաշվի առել այս հանգամանքը՝ տեսահոլովակում հայտնի գործընկերներին ներգրավելիս, Արամն արձագանքեց, որ այդ փաստը կա, սակայն երգի թեման էր դա պահանջում:

«Մենք երկար քննարկում էինք, թե ինչ տեսահոլովակ ենք նկարահանելու: Երկար մտածել ենք՝ ինչ անել, արդյունքում յուրաքանչյուրն իր մասով ներկայացնում իր բողոքն այդ իրավիճակին: Փորձել ենք այնպես անել, որ տեսահոլովակը սիրվի հանդիսատեսի կողմից ու յուրաքանչյուր արտիստի հանդիսատես գոհ մնա իր սիրելի կերպարի ներկայությունից»,- ասաց երգիչն ու հավելեց, որ իրենք ներկայանում են սնդուսափայլ ամսագրի շապիկի տղաների կերպարներով:

«Երգն էր թելադրում, որ մենք այդպիսին լինենք: Առաջին հայացքից ոչ մի թափթփվածություն, ջրիկություն չկա, բոլոր գործողություններն արվում են լուրջ դեմքով, բայց հումորային էլեմենտներով: Հումորը համեմված է ջենթլմենական  քայլերով»,- նկատեց նա: Տղաներից յուրաքանչյուրը հումորային դեր է խաղում, սակայն թե ով ինչպես է ներկայացնում, նախընտրեց չբացահայտել, որպեսզի պրեմիերային անակնկալ լինի:

Արամը հայտնեց, որ երգը ռիթմիկ է, երաժշտությունը գրել է ինքը, խոսքերը՝ Ֆելիքս Խաչատրյանը, գործիքավորումն արել է Նիկ Էգիբյանը Տեսահոլովակի ռեժիսորն Արամայիս Հայրապետյանն է, օպերատորը՝ Արտյոմ Աբովյանը: Տղաների ոճով զբաղվել է Դիանա Շատվերյանը:

Այս տեսահոլովակի նկարահանումն Արամի համար բավականին բարդ էր ֆիզիկական տեսանկյունից, քանի որ նա ԱՄՆ-ից Հայաստան էր ժամանել լույս մարտի 5-ին, նույն օրն էլ նշանակված էր տեսահոլովակի նկարահանումը, որպեսզի պրեմիերան չուշանա Մարտի 8-ից:

«Բավականին բարդ էր: Ինձ օգնեց միայն այն, որ աշխատում էի պրոֆեսիոնալների հետ: Որևէ ավելորդ երկարացում, անպատասխանատու ուշացում չի եղել: Ամեն ինչ ժամանակին սկսել ու ավարտել ենք: Բոլորը հասկանում էին իմ վիճակը: Սովորաբար սուրճ չեմ խմում, բայց երեկ անընդհատ խմում էի, որպեսզի քունս չտաներ: Երբ Միացյալ Նահանգներից վերադառնում ես, երկար ճանապարհ գալուց բացի գիշեր-ցերեկդ է խառնվում իրար: Մի խոսքով՝ գիշերը 12-ին եկավ իմ ցերեկը, ես արթնացա, ու Արամայիսն ասաց ստոպ՝ նկարահանումներն ավարտված են»,- ծիծաղելով ասաց երգիչը:

Կարդացեք նաեվ

Իսկ ի՞նչ կասի մայրիկը․ Վերա Բրեժնեւայի ամերիկացի դուստրը բիկինիով արեւայրուք է ընդունել

Irina Abovyan

Շուշին հիմա ծաղկում է, իսկ Սերժի ժամանակ Շուշին «բոմժանոց» էր. Լալա Մնացականյան

Irina Abovyan

Իննա Խոջամիրյանը Զիրոյանի հետ է գնացել ընկերուհու հարսանիքին (լուսանկարներ)

Irina Abovyan

Հայկական հեռուստասերիալների գեղեցիկ «չարագործները» (ֆոտո)

Irina Abovyan

«Հիանալի զույգ»․ Սիրուն Մինասի եւ ամուսնու ջերմ գրկախառնությունը

Irina Abovyan

DJ Davo ft. Spitakci Hayko – Chimanay

Irina Abovyan