Քաղաքականություն

Այս իշխանությունը կմնա պատմության մեջ որպես մարդկանց խումբ, որ կարողացավ իր ճանապարհին արժեզրկել հնարավոր ու անհնար ամեն ինչ

Երբ բոլորս կսթափվենք, երբ իրերը կկոչենք իրենց անուններով, երբ մեզանից ոչ մեկը չի բարդույթավորվի և ինքն իրեն, ապա նաև բարձրաձայն կխոստովանի, որ ունեցած ակնկալիքներն ու սպասումները (եթե եղել են այդպիսիք) ոչ մի կապ չունեն ներկա իշխանությունների հետ, այդ պահից և դեռ շատ երկար նրանք կմնան պատմության մեջ:

Կմնան: Կհիշվեն որպես մարդկանց խումբ, որ կարողացավ հետևողականորեն և յուրահատուկ ջանասիրությամբ իր ճանապարհին արժեզրկել հնարավոր ու անհնար ամեն ինչ, այդ թվում՝ հանրային կարծիքը, հանրային քննարկումը և (կամ) բանավեճը… Սեփական անգործությունը քողարկելու նպատակով կեղծ ու ուշադրություն շեղող օրակարգ ստեղծելու անհագ ձգտումով կարողացավ դեգրադացման աստիճանն ընկալումներում մինուս անվերջի հասցնել:

Ափսոսում եմ, որ մետրոյի աղջիկն էլ, բոլորս էլ (ինքս էլ՝ առնվազն այս մասին գրելով) տարբեր պարտադրված էժան ու անորակ առիթներով մաս ենք դառնում այդ քայքայիչ ծրագրի: Վստահ եմ, որ այս ամենի համար ամաչելու ենք: Վստահ եմ…

Տա Աստված, որ հասցնենք սթափվել ու գիտակցել, անգամ ամաչել, երբ կորուստները հատած չեն լինի անդառնալիության սահմանները…

Այս իշխանությունը միևնույն է կմնա պատմության մեջ, պատմությունը բացասականն էլ է պահում, ծայրահեղ բացասականն էլ… Մեր դեպքում, այս ամենի օր առաջ պատմություն դառնալը վաղուց անհրաժեշտություն է դարձել:

Կարդացեք նաեվ

Գրառում, որի հետ համամիտ չեն լինի շատերը։ Քարկոծեք ինձ, բայց կարդացեք… Լևոն Զաքարյանի կարևոր գրառումը

Irina Abovyan

Թեստ. Ի՞նչ կարող է պատմել Ձեր դրամապանակը Ձեր մասին

Irina Abovyan

Քոչարյանը չի հանգստանում արա, Էլի արունա ուզում խմի, թազա հոկտեմբերի 27ա ուզում

Irina Abovyan

Երբ ներկայացրի փաստարկներս Շուշիի վերաբերյալ, Պուտինն ասաց, որ տրամաբանական է․ Նիկոլ Փաշինյան

Irina Abovyan

Սպառնացել են վնասել Ալինայի ընտանիքի անդամներին՝ կասկածներ կան, որ սպառնացել են նաև Վարչապետին

Irina Abovyan

Եթե մենք վերադառնում ենք Զանգեզուրի միջանցքին, եթե օգտագործում ենք այդ ճանապարհը, ապա ինչո՞ւ չվերադառնալ Իրևան. Ալիև

Irina Abovyan