Քաղաքականություն

Ձեզ թվում է, որ Վանեցյանի հետ Ծառուկյանի հանդիպումների մասին մենք իմացել ենք իր հայտարարությունից հետո՞. Ալեն Սիմոնյան

Ինչի՞ց հետ չի կանգնելու Գագիկ Ծառուկյանը, իսկ իրեն ո՞վ է խանգարում պայքարել. Թող քրեական գործը շարունակվի, իսկ եթե քաղաքական առումով ճիշտ է համարում պայքարելը, թող պայքարի: Այս մասին այսօր՝ հունիսի 15-ին, ԱԺ-ում լրագրողների հետ զրույցում նշեց ԱԺ փոխխոսնակ, «Իմ քայլը» խմբակցության պատգամավոր Ալեն Սիմոնյանը՝ անդրադառնալով ԲՀԿ առաջնորդի հայտարարությանը, թե իր հանդեպ տեղի է ունենում քաղաքական հետապնդում եւ որ ինքը հետ չի կանգնելու իր պայքարից:

Նա նկատեց, որ այս քրեական գործերը հարուցվել են շատ ավելի շուտ, քան Գագիկ Ծառուկյանն իր այգում հայտարարեց, որ կառավարությունը պետք է 100 տոկոսով հեռանա. «Այդ նույն այգում, որտեղ հանդիպումներ էր ունենում մինչ այդ, հայտարարություններ է արել կապված իշխանության 100 տոկոս փոփոխության վերաբերյալ: Ժամանակագրությունը չի կարելի կեղծել, դրանք փաստեր են: Այն փաստաթուղթը, որ երեկ շրջանառության մեջ է հայտնվել, դա, իմ ունեցած տեղեկություններով, գտնվել է շատ ավելի շուտ եւ մեկ այլ քրեական գործի շրջանակներում է այն ի հայտ եկել, այլ ոչ պարոն Ծառուկյանի հետ կապ ունեցող գործի»,-ասաց Ալեն Սիմոնյանը:

«Ձեզ թվում է, որ Գագիկ Ծառուկյանի հանդիպումների մասին մենք իմացել ենք իր հայտարարությունից հետո՞: Դուք չարաչար սխալվում եք: Պարոն Ծառուկյանը հանդիպել է պարոն Վանեցյանի հետ նույն այգում բազմաթիվ անգամ եւ պարոն Վանեցյանը նույնպես դա չհերքեց»,-ասաց Սիմոնյանը:

Հարցին, թե ակնարկում եք, որ Ծառուկյանի հայտարարությունների հետեւում Վանեցյա՞նն է կանգնած, ԱԺ փոխխոսնակն արձագանքեց. «Ես նման բան չեմ ակնարկում, ես ասում եմ, որ մենք ավելի շուտ գիտեինք, որ իրենք հանդիպում են եւ մեզ պետք չէր, որ Ծառուկյանը հայտարարություն աներ, նոր իմանայինք»:

Նա հավաստիացրեց, որ այդ հանդիպումներն իշխանություններին չեն անհագստացրել. «ՀՀ իշխանությանն անհանգստացնում է եւ մտորումների տեղիք  է տալիս միայն ՀՀ քաղաքացիների հետ շփումը, իսկ թե ով ում հետ որ այգում կհանդիպի, ինչ հին քաղաքական մեռել կբերի քաղաքական դաշտ ու կփորձի վերակենդանացնել,  ինչ կփորձի անել, 4-րդական է: Մեզ համար կարեւորը ՀՀ քաղաքացիների հետ համագործակցությունն է»:

Կարդացեք նաեվ

Նիկոլ Փաշինյանը մրցակցության մեջ է Ռոբերտ Քոչարյանի և Սերժ Սարգսյանի հետ. Հակոբ Ավետիքյան

Irina Abovyan

ԱՊՐԻԼՅԱՆ ՀԱՆՁՆԱԺՈՂՈՎԻ ՉՀՐԱՊԱՐԱԿՎԱԾ ԶԵԿՈՒՅՑԸ – Արտակ Գալստյան

Irina Abovyan

Տենց էլի մարդիկ կային. Փաշինյանը հիշեց Ծառուկյանի՝ թևավոր խոսք դարձած միտքը

Irina Abovyan

«Պատկերացրեք՝ ինչ ծանր է վիճակը, որ Բրջոնի-Փաշինյան քարոզչական դուետին միացել է նաև Տեր-Պետրոսյանը». Արմեն Աշոտյան

Irina Abovyan

Րեգինա Պրազյանի անդրադարձը Էջմիածնի քաղաքապետ տիկին Դիաննա Գասպարյանի սրտաճմլիկ գրառմանը. իր մորաքրոջ` ՍԴ դատավոր Ալվինա Գյուլումյանի մասին

Irina Abovyan

Էրդողանը սպառնացել է նոր զինված օպերացիա սկսել

Irina Abovyan