Հասարակություն

Ողբերգական ավտովթար Կոտայքի մարզում. Opel-ը մի քանի պտույտ շրջվելով՝ հայտնվել է ձորում. կան զոհեր ու վիրավորներ. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Այսօր՝ հունիսի 14-ին, խոշոր ու ողբերգական ավտովթար է տեղի ունեցել Կոտայքի մարզում: Ժամը 02:00-ի սահմաններում Տավուշի մարզի բակիչ, 59-ամյա Սամվել Առաքելյանը իր վարած Opel մակնիշի ավտոմեքենայով Երևան-Գառնի ավտոճանապարհի Գառնի գյուղի վերջնամասում, դեռևս անհայտ հանգամանքներում, դուրս է եկել հանդիպակաց երթևեկելի գոտի, բախվել հողաթմբին և մի քանի պտույտ շրջվելով՝ հայտնվել ձորակում:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ուղևոր, Անահիտ Դանիելյանը տեղում մահացել է, իսկ վարորդ Ս. Առաքելյանը, մյուս ուղևորներ, Երևանի բնակիչներ, 63-ամյա Անդրանիկ Մարկոսյանը, 53-ամյա Անահիտ Առաքելյանը և 47-ամյա Արտակ Մարտոյանը ծայրահեղ ծանր ախտորոշմամբ տեղափոխվել են «Էրեբունի» բժշկական կենտրոն:

Վիրավորներին առաջինը օգնության են հասել գյուղացիները և օպերատիվ են գործել Գառնի գյուղի բժշկական ամբուլատորիայի բժիշկներն ու շտապօգնության բրիգադը, ովքեր վիրավորներին մինչև հիվանդանոց տեղափոխելը տեղում առաջին բուժօգնությունն են ցուցաբերել:

Դեպքի վայր են ժամանել ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Տիգրան Քոթանջյանի գլխավորությամբ:

Դեպքի վայրում հավաքվածներն ասում էին, որ մահացածին ու վիրավորներին քաղաքացիներն հայտնաբերել են ավտոմեքենայից դուրս և վիրավորներին հիվանդանոց են ուղեկցել ոստիկանության Կոտայքի բաժնի պետ Արմեն Մելոյանն ու ՃՈ 2-րդ սպայական գումարտակի 3-րդ վաշտի 1-ին դասակի հրամանատար Տ. Քոթանջյանը:

Օպերատիվորեն ժամանել են նաև Արտակարգ իրավիճակների նախարարության փրկարար ծառայության հատուկ փրկարարական կենտրոնի թիվ 17 ջոկատը՝ հրամանատար Վահե Պետրոսյանի գլխավորությամբ:

Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել է Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից ժամանել է քննչական խումբը՝ բաժանմունքի պետ Գառնիկ Մաթևոսյանի, և հատկապես կաևոր գործերով ավագ քննիչ Վիգեն Մարգարյանի գլխավորությամբ:

Օպերատիվորեն ժամանել են նաև ոստիկանության Գառնիի բաժանմունքի համայնքային ոստիկանության տեսուչ Լեռնիկ Գրիգորյանն ու նույն բաժանմունքի ՊՊԾ խմբի ոստիկան Արայիկ Հովհաննիսյանը:

Տեղում քննչական աշխատանքները ղեվավարող Վ. Մարգարյանի հանձնարարականով ավտոմեքենան տեղափոխվեց ոստիկանության Աբովյանի բաժնի պահպանվող հատուկ տարածք:

Փրկարարները հոսանքազրկել են ավտոմեքենան, սահմանազատել տարածքը, ապա դին մոտեցրել շտապօգնության ավտոմեքենային:

Ժամեր անց հիվանդանոցից ահազանգ է ստացվել, որ վիրավորներից Ա. Մարտոյանը գիտակցության չգալով՝ մահացել է:

Փաստի առթիվ Վ. Մարգարյանի որոշմամբ հարուցվել է քրեական գործ ՀՀ քր օր-ի 242 հոդվածի 3-րդ մասի (ճանապարհատրանսպորտային պատահար, որն անզզուշությամբ առաջացրել է 2 և ավելի մարդու մահ) հատկանիշներով:

Ոստիկանությունն ու քննչական բաժինը պարզում են վարորդի, մահացածների և վիրավորների ամբողջական տվյալները:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները և տեսանյութը՝ Գագիկ Շամշյանի

Ֆոտոռեպորտաժ


Կարդացեք նաեվ

Ադրբեջանի կողմից կրակի դադարեցման դեպքում պատրաստ ենք հումանիտար գործողություններ իրականացնել. Հաղորդագրություն Արցախից

Irina Abovyan

Ճարպակալումը ռիսկային լուրջ գործոն է նույնիսկ կորոնավիրուս ունեցող երիտասարդների համար

Irina Abovyan

Արգիշտի Քյարամյանն ազատվեց ԱԱԾ տնօրենի պաշտոնից․ Նրան կփոխարինի Միքայել Համբարձումյանը

Irina Abovyan

«Տղերք, հիմա դուք ո՞ւմ կողմից եք` ամուսինների՞, թե՞ վիրուսի». Արսեն Բաբայան

Irina Abovyan

ԲԱՑԱՌՒԿ ՏԵՍԱՆՅՈՒԹ. Երևանում մարդաբոյ փոսի պատճառով BMW-ն բախվում է պատին

Irina Abovyan

Խոշոր ավտովթար Արագածոտնի մարզում. Mercedes մակնիշի ավտոքարշակը բախվել է երկաթե արգելապատնեշին և մի քանի պտույտ գլորվելով՝ գլխիվայր հայտնվել ձորում. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Irina Abovyan