Հասարակություն

«Վտանգը չի անցել, թողեք պայքարենք». Վնասվածքաբանության և օրթոպեդիայի գիտական կենտրոնի փոխտնօրեն

Վտանգը չի անցել, թողեք պայքարենք, թողեք հաղթենք, հետո կնշեք՝ թեկուզ առանց մեզ: Այս ամսին ֆեյսբուքյան իր էջում գրել է Վնասվածքաբանության և օրթոպեդիայի գիտական կենտրոնի փոխտնօրեն Կարեն Պողոսյանը:

«Գիշերային մտորումներ

Անտեսանելի էր թշնամին, եկավ գրեթե միանգամից: Թեթև քամի փչեց արևելքից՝ Չինաստանից: Քամին և վտանգը մարդիկ լուրջ չընդունեցին, թշնամին՝ անտեսանելի, չար կախարդի նման ակնթարթորեն փռեց թևերը քաղաքի վրա և բոլորը քարացան իրենց տներում ու մնացին քարացած:

Մի քանիսը, շատ խիզախներից՝ սպիտակ խալաթներ հագած, մեծ դժվարությամբ սկսեցին պայքարել թշնամու դեմ և օգնել քարացածներին: Պայքարում էին ինքնամոռաց, անձնվեր, թողած իրենց ընտանիքներին և վստահ, որ կհաղթեն ու մարդիկ կկենդանանան քարացած վիճակից: Պայքարը անհավասար էր ու անհույս, բայց սպիտակ խալաթավորները համառ էին ու խելացի: Սակայն քարացած քաղաքացիներին թվաց, թե թշնամին հեռացել է և դուրս վազեցին տներից, լցվեցին փողոցներն ու հրապարակները, սկսեցին ապրել այնպես, կարծես ոչինչ էլ չեր եղել: Սպիտակ խալաթավորները վազում էին մեկից մյուսի մոտ և հորդորում տներում մնալ, բացատրում, որ պայքարը չի վերջացել, խնդրում չխանգարել կռիվը հաղթական ավարտին հասցնել: Իսկ մարդիկ չէին լսում, կարծես խլացած ու ցնորված տոնում էին ու հրճվում:

Իսկ թշնամին հավաքել էր ուժերը և…

Ի՞նչ եղավ հետո:

Գուշակեք ինքներդ:

Չէ՜, մի՜ գուշակեք, ընդամենը մնացեք տանը, լսեք մեր հորդորները: Վտանգը չի անցել, թողեք պայքարենք, թողեք հաղթենք, հետո կնշեք՝ թեկուզ առանց մեզ:

P.S. Պայքարում ենք միասին!»,- գրել է նա:

Կարդացեք նաեվ

Ավտովթար Արագածոտնի մարզում. Կարբի գյուղում բախվել են BMW-ն ու ИЖ-212-ը. վերջիններս հայտնվել են գազատար խողովակների տակ. ՖՈՏՈՌԵՊՈՐՏԱԺ

Irina Abovyan

Երեկ Երևանում տեղի ունեցած վիճաբանություն-ծեծկռտուքի փաստով հիվանդանոց տեղափոխվածների մեջ է Երևանում հայտնի «գաի Մերուժը». ոստիկանները հայտնաբերել են կռվի որոշ մասնակիցների, որոնց մեջ կան անչափահասներ. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Irina Abovyan

Ծանր ու համառ մարտեր են, հատկապես հարավում. Արծրուն Հովհաննիսյան

Irina Abovyan

Այս տունը ժառանգություն էր թողել պապը իր թոռանը, իսկ ինչ կար այնտեղ թաքցրած ձեզ պարզապես կապշեցնի

Irina Abovyan

Ջավախքում վնասել են հայկական եկեղեցին ու գերեզմանները

Irina Abovyan

Իմունիտետն ամրապնդող ըմպելիքներ․ Հիպոկրատի ըմպելիքը հիանալի պայքարում է վիրուսների դեմ, խմեք և առողջ եղեք

Irina Abovyan