Հասարակություն

Շնորհավոր մամուլի ազատության օրը

Մայիսի 3-ը մամուլի ազատության համաշխարհային օրն է, որը որպես մասնագիտական տոն նշվում է արդեն 27 տարի։

Ցանկացած երկրում, հատկապես ժողովրդավարական պետություններում ու հասարակություններում զանգվածային լրատվության միջոցներն ունեն անկյունաքարային նշանակություն, քանի որ նրանց աշխատանքի միջոցով է ապահովվում ժողովրադավարության հիմնական գործառույթներից մեկը՝ իշխանությունների, հանրային կառավարման մարմինների աշխատանքի նկատմամբ վերահսկողությունն ու հաշվետվողականությունը։ Հայաստանում մամուլի կայացումն ու զարգացումը մշտապես ուղեցկվել է մեծագույն դժվարություններով ու խոչընդոտներով։ Բոլոր ժամանակների իշխանություններն էլ զերծ չեն մնացել մամուլի աշխատանքը ճնշելու, ազատ մամուլի դեմ ոտնձգություններ իրականացնելու գայթակղությունից։

Ցավոք, այդ իրավիճակն է նաև այսօր, գործող իշխանությունը ազատ մամուլը դիտարկում է որպես հակառակորդ ու թշնամի, այն դեպքում, երբ պետք է լիներ հակառակը՝ ազատ ու անկախ լրատվամիջոցները պետք է հանդիսանային որպես իշխանության բնական դաշնակիցներն ու գործընկերները։

Իրականությունը, սակայն, դժբախտաբար հակառակն է։ Այսօր իշխանությունը զերծ չի մնում ոչ յուրային մամուլի միջոցների նկատմամբ առնվազն սոցցանցային հարձակումներից, այդ գործում օգտագորվում են իշխանության կողմից ուղղակի կամ անուղղակի վերահսկվող կեղծ օգատատերերը, այսպես կոչված՝ ֆեյքերը։

Դրան զուգահեռ բոլոր երկրներում խնդրահարույց համարվող ֆեյքնյուզը խոչընդոտ է դարձել ազատ ու անկախ մամուլի կայացման ու զարգացման համար։ Այս գործոնների համախումբը ներկայումս մարտահրավեր է դարձել ազատ ու անկախ մամուլի գործունեության համար։ Սակայն ի պատիվ իրական ու ազատ լրատվամիջոներրի, դրանց լրագրողներն այսօր էլ աշխատում են իսկական նվիրումով ու պատվախնդրորեն՝ հասարակությանը ապահովելով իրական ու անաչառ տեղեկատվություն։

Հայաստանի Ժուռնալիստների միությունը շնորհավորում է մամուլի բոլոր աշխատակիցներին մասնագիտական տոնի՝ մամուլի ազատության օրվա կապակցույթամբ՝ մաղթելով անխափան ու ստեղծարար աշխատանք։ Ազատ ու անկախ մամուլը բոլորիս ու մեր երկրի անգնահատելի հարստությունն է, որի պահպանման համար բոլորս պետք է անենք առավելագույնը՝ ապահովելով ազատ մամուլի անխափան աշխատանքը։

Շնորհավոր մամուլի ազատության համաշխարհային օրը։

Նյութի աղբյուր168.am

Կարդացեք նաեվ

Ո՞ր հիվանդությունների դեպքում խորհուրդ չի տրվում գազար և կարտոֆիլ ուտել

Irina Abovyan

ՏԵՍԱՆՅՈՒԹ. 18+. Նյարդերից թույլ մարդիկ չդիտեն. Ոչնչացված ադրբեջանական զինծառայողները

Irina Abovyan

Նախարար Արայիկ Հարությունյանը միացել է «Միայն դիմակով» արշավին

Irina Abovyan

Ադրբեջանական ագրեսիան հետ մղելու ընթացքում զոհվել է ևս 21 զինծառայող

Irina Abovyan

Դիմակ կրիր, հաճախ լվա ձեռքերդ, որպեսզի դու և ընկերներդ սեպտեմբերին կարողանաք դպրոց գնալ․ Արսեն Թորոսյան

Irina Abovyan

Հուլիսի 1-ից երեխայի նպաստը 18 հազարից դառնում է 26500 դրամ. գյուղերում այն կարող է հասնել 53 հազարի. Բաթոյան

Irina Abovyan