Հասարակություն

Վարքի 5 ոչ ակնհայտ դրսևորումներ, որոնք ցույց են տալիս, որ ձեր կողքին գտնվող մարդը բացասական ազդեցություն է ունենում ձեզ վրա

Ձեր կողքին գտնվող մարդիկ միշտ իրենց ազդեցություն են թողնում ձեր աշխարհընկալման և տրամադրության վրա։ Սա տեղի է ունենում անգամ այն ժամանակ, երբ մենք այն չենք ցանկանում։ Հաճախ ուշադրություն չդարձնելով առաջին նախանշանների վրա՝ ավելի ուշ մենք հասկանում ենք, որ հարաբերություններն այլևս հաճույք չեն պարգևում և հայտնվել են փակուղում։

Ներկայացնում ենք վարքի մի քանի յուրահատկություններ, որոնք հուշում են, որ ձեր կողքին գտնվող մարդն, ամենայն հավանականությամբ, այնքան էլ համապատասխան չէ ձեզ։

Վատ բաներ է ասում ուրիշների հասցեին

Ուրիշների համար ուրախանալը մի հատկություն է, որը ոչ բոլոր մարդկանց է տրված։ Հոգեբաններն ասում են, որ նմանատիպ վարքը հաճախ անինքնավստահության նշան է։ Այսպիսի մարդկանց համար բամբասելու, քննադատելու և ուրիշների արարքները քննարկելու առիթ կարող են դառնալ այլ մարդկանց ավելի խելացի, հաջողակ և հարուստ լինելու հանգամանքները, որոնք ստիպում են, որ նրանց մոտ տհաճ զգացողություններ առաջանան։ Եթե դուք դարձել եք նմանատիպ մարդու վստահված անձը, և նա ձեզ վրա է դատարկում իր ողջ բացասական էներգիան, ապա վստահ եղեք, որ ուշ թե շուտ դուք էլ եք նմանվելու նրան։ Ամենայն հավանականությամբ, ուրիշների մոտ էլ նա նույն ոգևորությամբ քննարկում և քննադատում է ձեզ։

Ձեզ հետ հարգալից է, բայց կոպիտ է ուրիշների հետ

Անգամ եթե կոպիտ վերաբերմունքն ուղղված չէ ձեզ, միևնույն է, այն սթրես է առաջացնում, վանում է մարդկանց և փչացնում է տրամադրությունը։ Եվ եթե հարաբերությունների սկզբում ձեր ներկայությամբ ուրիշներին վիրավորում են, ապա դա նշանակում է, որ տվյալ մարդը այս արարքի մեջ ոչ մի վատ բան չի տեսնում և այն համարում է ուժի և բնավորության դրսևորման ձև։ Եվ ձեր հանդեպ նմատատիպ դրսևորումները ժամանակի հարց են։

Հաճախ է կորցնում ինքնատիրպետումը

Թունավոր հարաբերությունների ևս մեկ դրսևորում է ինքնատիրապետումը կորցնելը կամ ձևացնելը, որ կորցնում է։ Իսկ հետո իր արարքներն արդարացնում է չափից շատ զգացմունքային լինելով կամ, ավելի վատ, մեղքը գցում է ձեր վրա։

Խլում է ձեր ժամանակը

Այն մարդը, որն անընդհատ ցանկանում է ինքնահաստատվել և ճնշել ուրիշներին, անընդհատ ձեզ անհարմար դրության մեջ է գցելու։ Դուք ստիպված անընդհատ պետք է ապացուցեք, որ նա թանկ է ձեզ համար, ստիպված պետք է ընտրություն կատարեք նրա և աշխատանքի միջև։ Եվ եթե ընտրությունը ոչ հօգուտ նրա անեք, ապա կսկսվի իրական դրամա։

Միշտ ճիշտ է և չի ընդունում ուրիշների կարծիքը

Հնարավո՞ր է հարաբերություններ ստեղծել մի մարդու հետ, որը կարծում է, որ միշտ ճիշտ է։ Այսպիսի մարդիկ ուրիշներին և նրանց հետ շփումը համարում են մարտահրավեր, պայքար, որտեղ պետք է հաղթել։ Այսպիսի մարդկանց բնորոշ են մեծամտությունը, անհարգալից վերաբերմունքն ուրիշների հանդեպ, այլ կարծիքները հաշվի չառնելը։

Կարդացեք նաեվ

Դպրոցներում դասերի վերսկսումը կհանգեցնի կորոնավիրուսի նոր բռնկումների. մասնագետներ

Irina Abovyan

«Որքան սիրում եմ Վահե Նիկոյանին, Տարոն Մարգարյանին, այնքան էլ Ձեզ եմ սիրում»․ Դավիթ Խաժակյան

Irina Abovyan

Համեղ ուտեստ ողջ ընտանիքի համար

Irina Abovyan

Մոտ օրերին՝ մաքսիմում, ամեն ինչ, հնարավոր է, իր տրամաբանական ավարտին հասնի․ Արծրուն Հովհաննիսյան

Irina Abovyan

415 արցախցի աշակերտների կտրվեն դպրոցական պայուսակներ ու պարագաներ. Աննա Հակոբյան

Irina Abovyan

Ծնունդ՝ Զինվորի տանը. Արցախում վիրավորում ստացած Սուրենը դարձավ 21 տարեկան

Irina Abovyan