Ինձ մոտ տպավորություն է, որ Հայաստանը և Ադրբեջանն արդեն դուրս են եկել ինչ-որ մի փաստաթղթի վրա, գուցե, դա դեռևս շրջանակային է: ArmLur.am-ի հետ զրույցում նման տեսակետ է հայտնել քաղտեխնոլոգ Վիգեն Հակոբյանը.
«Կարծում եմ, սրանով է նաև պայմանավորված, որ կողմերն այլևս իրար հետ չեն էլ հանդիպում, այլ՝ օնլայն ռեժիմով են քննարկումներն անում: Սովորաբար, օնլայն ռեժիմով քաղաքականության մեջ այն փաստաթղթերը կամ այն տարբերակները, որոնց շուրջ արդեն համաձայնություն կա, և խնդիրը ավելի շատ դետալների մեջ է: Խոսքը ոչ թե կոնտենտային դետալների մեջ է, այլ տեխնիկակական խնդիրների՝ ստորակետեր կամ խմբագրական հարցեր»,-հավելում է նա: