Հասարակություն

ՏԵՍԱՆՅՈՒԹ. Դպրոցի տնօրենը դպրոցում քաղաքականությամբ է զբաղվում․ Արայիկ Հարությունյանի ականջը կանչի

ՀՀ Կոտայքի մարզի Սարալանջի հիմնական դպրոցի տնօրեն Քրիստինե Մանուկյանը ակտիվ քաղաքական կյանքով է ապրում։ Կոտայքի մարզի Նաիրի խոշորացված համայնքում նա իշխող «Քաղաքացիական պայմանագիր» կուսակցության կողմից որպես ավագանու թեկնածու էր առաջադրվել։

Տիկին տնօրենը նախընտրական տեսահոլովակներից մեկում խոսում է իր կողմից կատարված ահռելի աշխատանքի մասին։ Համեմատվելով «Նախկինների» հետ՝ գլուխ գովում, թե դպրոցի խնայած միջոցներն այժմ դպրոցն է տնօրինում ու այն ի շահ դպրոցի օգտագործում։ «Նախկինում ինչու նման ծրագրեր չէին իրականացվում, որովհետև ավելացած գումարները լիազոր մարմինը տնօրինում էր լիազոր մարմինը, իսկ այս պահին, որ միայն թողնում են դպրոցին որ կարողանանք մեք հավելյալ ծրագգրեր իրականացնել և կրթական, և դպրոցաշինական ծրագրերում, այլ նաև պետք եղած դեպքում մեզ աջակցում են ցույց են տալիս ֆինանսական աջակցություն ու ներառում են տարաբնութույթ ծրագրերում՝ ելելով դպրոցի առանձնահատկությւոններից»,- ընդգծում է նա։

Բավական կոկիկ ու խնամքով մոնտաժված տեսանյութը, դպրոցի տնօրենը, ենթադրաբար, իր աշխատասենյակում է նկարել։ Այն Facebook-ի իր էջում ներկայացված է այսպես․ «Ամփոփ ՝ որպես տնօրեն, իմ գործունեության և վերջին 3 տարվա ընթացքում դպրոցում իրականացված բարեփոխումների մասին»:

Մանուկյանը, փաստորեն, կրթական ոլորտի իր աշխատանքի ամփոփումը նախընտարական նպատակների համար է օգտագործել։ Տեսանյութի սկզբից ու վերջից կուսակցության լոգոն ու կարգախոսն է, իրենց նախընտրական համարը։

Հիշեցնենք, որ դեռևս 2018-ի մայիսի 22-ին՝ իշխանափոխությունից մեկ ամիս անց ընդամենը, այն ժամանակ կրթության և գիտության նախարար Արայիկ Հարությունյանը ԿԳՆ ենթակայության և ոչ պետական հանրակրթական ուսումնական հաստատությունների տնօրենների հետ հանդիպման ժամանակ հայտարարում էր, որ տնօրեններն այլևս քաղաքականապես ճնշված չեն լինելու, դպրոցի տնօրենն ու ուսուցիչն էլ դպրոցում քաղաքականությամբ չեն զբաղվելու։

«Ես ցանկանում եմ շնորհակալություն հայտնել բոլոր այն ուսուցիչներին և տնօրեններին, ովքեր այս տարիների ընթացքում զերծ են պահել համակարգն ու դպրոցը քաղաքական տարբեր ազդեցություններից: Այդ մարդկանց գործը նշանակալի է: Սակայն բազմաթիվ դպրոցներ քաղաքական ազդեցություններից զերծ չեն մնացել, եւ դա անթույլատրելի է: Դպրոցից դուրս ցանկացած ուսուցիչ եւ տնօրեն իրավունք ունի զբաղվել քաղաքականությամբ, յուրաքանչյուր ոք կարող է լինել այս կամ այն քաղաքական ուժի ներկայացուցիչ: Այդ իրավունքը ձեզանից չեն վերցնում, բայց քաղաքական ազդեցությունը որեւէ կերպ պետք է չարտահայտվի դպրոցի ներսում: Ինքս կուսակցական եմ, սակայն վստահեցնում եմ, որ որեւէ մեկը համակարգում չի զգալու իմ կուսակցական ազդեցությունը: Այսուհետ որեւէ տնօրեն եւ ուսուցիչ դպրոցում չի կարող զբաղվել որեւէ իշխանավորի, օլիգարխի, պատգամավորի եւ քաղաքական գործչի քարոզչությամբ: Այս երեւույթը կանխվելու եւ պատժվելու է օրենքի ուժով»,- վստահեցնում էր այժմ Փաշինյանի խորհրդականի պաշտոնը զբաղեցնողը նախկին նախարարը:

Հավատալով Արայիկ Հարությունյանի սկզբունքայինությանն ու ասածին հետևողական լինելուն՝ հուսանք՝ ՔՊ-ական իր թիմակցի նախընտարական տեսահոլովակի մասին կտա իր գնահատականը ու կդատապարտի Քրիստինե Մանուկյանի վարքագիծը։

Սևակ Վարդումյան

Կարդացեք նաեվ

Հենց հիմա ուշադիր լսեք 2022-ին մեծ կեղծիքը կբացվի․․․Էքստրասենսը բացառիկ բացահայտումներ է անում

Irina Abovyan

ՌԴ֊ն և Թուրքիան պատերազմելու են Արցախում և մենք պետք է պատրաստ լինենք՝ ազատագրելու գրավված

Irina Abovyan

Գերիների ծնողները այս պահին բողոքի ակցիա են անցկացնում ՌԴ Գյումրու հյուպատոսարանի առաջ

Irina Abovyan

«Lուրեր կան, թե մեɲոնք ի պատասխան մի քանի Ⴙոգու մաηել են»

Irina Abovyan

14-օրյա թեստավորման պարբերականությունը կկրճատվի. Անահիտ Ավանեսյան

Irina Abovyan

Խոշոր հրդեհ Երևանում. մարդկանց տարհանում են Խորենացու փողոցում այրվող շենքի բնակարաններից (Տեսանյութ)

Irina Abovyan