Ի՞նչ է ստորագրվելու նոյեմբերի 9-ին, ինչո՞ւ հենց նոյեմբերի 9-ին. Կարին Տոնոյան
Հայ Ասպետ» կրթադաստիարակչական բարեգործական հիմնադրամի հիմնադիր-տնօրեն Կարին Տոնոյանը Ֆեյսբուքյան իր էջում գրել է.
«Ի՞նչ է ստորագրվելու նոյեմբերի 9-ին, ինչո՞ւ հենց նոյեմբերի 9-ին, որ ավելի ցավո՞տ լինի……Ի՞նչ կարող ենք անել Գոնե դիմադրել, ընդիմանալ, կռիվ տալ, դուրս գալ ու միանալ բողոքի ցանկացած ակտի, անկախ նրանից, թե որ քաղաքական ուժն է դա կազմակերպել։
Եկեք մինչ այդ օրը մոռանանք ամեն ինչ ու միայն հայ լինենք։ Գոնե 10 օր պայքարենք ու ապրենք միայն որպես հայ, որ մեզ այսպես անշունչ դիակի պես չհանձնեն սպանդանոց….
5000 երիտասարդներ նույնպես ապրել էին ուզում, այդքան մի դողացեք ձեր կյանքի վրա, նրանց արյունը դեռ Արցախում չի չորացել, մենք հաշտվում ենք այն հանձնելու հետ…. Արցախը մեր զավակների արյունն է, Սյունիքը մեր պատիվը…. չպայքարել նրանց համար նշանակում է զրկել ինքդ քեզ ապրելու իրավունքից Սողալ, չի նշանակում ապրել»: