Հասարակություն

Շերամի փողոցում վրաերթի է ենթարկվել փողոցը թույլատրելի հատվածով անցնող 11-ամյա երեխա (Տեսանյութ)

Շերամի փողոցում վրաերթի է ենթարկվել փողոցը թույլատրելի հատվածով անցնող 11-ամյա երեխա (Տեսանյութ)

Shamshyan.com-ը գրում է․ Այսօր՝ հոկտեմբերի 19-ին, վրաերթ է տեղի ունեցել Երևանում։

Ժամը 13։40-ի սահմաններում Երևանի բնակիչ Աշոտ Հովհաննիսյանը իր վարած Kia մակնիշի ավտոմեքենայով Շերամի փողոցում՝ ժողովորդին հայտնի լողավազանի խաչմերուկում, վրաերթի է ենթարկել փողոցը թույլատրելի հատվածով անցնող 11-ամյա Գ. Ա-ին։

Ինչպես դեպքի վայրից հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է Շերամի 92/9 հասցեում գործող «Ֆիզիոթերապիա, բժշկական մերսում» սրահի աշխատակիցների և օպերատիվորեն ժամանած Արտակարգ իրավիճակների նախարարության փրկարար ծառայության Երևանի թիվ 7 հրշեջ-փրկարարական ջոկատի ու Երևանի 1-03 շտապօգնության բժիշկների հետ երեխային տեղափոխել «Սուրբ Աստվածամայր» բժշկական կենտրոն։

Մինչ հիվանդանոց տեղափոխելը, բժիշկները տեղում առաջին բուժօգնությունն են ցուցաբերել երեխային։

Օպերատիվորեն ժամանել են ՀՀ ոստիկանության պարեկային ծառայության Երևանի գնդի 1-ին գումարտակի 2-րդ վաշտի ավագ պարեկներ Ռոբերտ Եղիազարյանն ու Ռազմիկ Ղարիբյանը։

Վթարի մասին պարեկային ծառայության Երևանի գնդից տեղեկությունը փոխանցվել է ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հերթապահ խումբը՝ բաժանմունքի պետ Գրիգոր Ավետիսյանի, ավագ հետաքննիչ Խաչատուր Գինոսյանի  գլխավորությամբ։

Փաստի առթիվ Խ. Գինոսյանի կողմից նյութեր են նախապատրաստվում։ Օպերատիվորեն ժամանել են նաև ապահովագրական ընկերությունների ներկայացուցիչները։

Դեպքի վայրում հավաքված բնակիչները խնդրում էին Երևանի քաղաքապետարանին ու ճանապարհային ոստիկանությանը, որպեսզի նշված հատվածում տեղադրվի արագաչափ, քանի որ նախկինում եղել է, ինչի շնորհիվ վթարները նվազել էին, սակայն, երբ արագաչափը հանեցին, ավտովթար-վրաերթերի թիվն ավելացավ։

Կարդացեք նաեվ

Կոտայքի մարզում՝ 35-ամյա վարորդը Lexus GX470-ով բախվել է քարերին և մի քանի պտույտ շրջվելով՝ հայտնվել ձորում

Irina Abovyan

Փողոցում կնոջը ծեծի ենթարկած տղամարդը հայտնաբերվել է

Irina Abovyan

Կներես, որ տեսա սառած մարմինդ ու չխենթացա. Արցախում զոհված Շանթ Նավոյանի սիրելիի հուզիչ գրառումը

Irina Abovyan

Մարիամ Փաշինյանը ներկայացել է նոր ոճային կերպարում (ֆոտո)

Irina Abovyan

Մի պատմեք ձեր երազը ուրիշներին. Վտանգավոր երազների վերլուծություն էլյա Հովհաննիսյանից (Video)

Irina Abovyan

3 բանի ոսկե կանոնը

Irina Abovyan