Հասարակություն

Սպանություն՝ Տավուշի մարզում. 3 օր որպես անհետ որոնվողի դին ու նրա ավտոմեքենան հայտնաբերվել է Վազաշեն գյուղի անտառում

Այսօր՝ հոկտեմբերի 16-ին, սպանություն է տեղի ունեցել Տավուշի մարզում։ Այս մասին հայտնում է shamshyan.com-ը:

Ժամը 09։40-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Տավուշ-Պառավաքար բնակավայրերի միջտարածքային հատվածում՝ Վազաշեն գյուղի վարչական տարածքի անտառում, առվակի մեջ տղամարդու դի կա։

Հրշեջ-փրկարարները նշված վայրից դուրս են բերել Տավուշի մարզի Այգեձոր գյուղի բնակիչ՝ 65-ամյա Խաչատուր Սուլյանի դին։ 

Դատաբժշկի նախնական եզրակացության համաձայն՝ մահացածի մարմնի վրա կա սուր կտրող-ծակող առարկայի հետք, ինչի համար էլ փաստի առթիվ Բերդի քննչական բաժնում ՀՀ քր.օր-ի 104 հոդվածի 1-ին մասի հատկանիշներով հարուցվել է քրեական գործ։ Գ. Շամշյանի տեղեկություններով՝ երեկ՝ հոկտեմբերի 15-ին, ոստիկանության Բերդի բաժին էր դիմել Այգեձոր գյուղի բնակիչ՝ 86-ամյա Սարգիս Սուլյանը, ով հայտնել էր, որ եղբայրը՝ Խ. Սուլյյանը, հոկտեմբերի 13-ին, ժամը 17։00-ի սահմաններում իր ՎԱԶ 2106 մակնիշի ավտոմեքենայով դուրս է եկել տանից և չի վերադարձել։ Դիակի հայտնաբերման վայրից մոտ 200 մետր հեռավորության վրա հայտնաբերվել է «06»-ը, որը քննիչի հանձնարարականով տեղափոխվել է ոստիկանության Բերդի բաժնի պահպանվող հատուկ տարածք։

Ոստիկանությունն ու քննչական վարչությունը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու, կատարողի ինքնությունը պարզելու և նրան հայտնաբերելու ուղղությամբ։

Կարդացեք նաեվ

Մինամյոտը խփեց, ոտքերս կտրվեցին. Սարգսի պատմությունը՝ վերականգնում, ամուսնություն

Irina Abovyan

ՀՐԱՏԱՊ…Արցախում դրությունը լարված է. վիրավոր ունենք…Փառուխում ադրբեջանական կողմը խախտել է հրադադարի ռեժիմը

Irina Abovyan

ՏԵՍԱՆՅՈՒԹ. Հայաստանը պետք է որոշի Ռուսաստանի՞ հետ է, թե՞ Արևմուտքի. քաղաքացիները` Արցախի սահմանային իրավիճակի մասին

Irina Abovyan

Հարցում. Արայիկ Հարությունյանին տեսնո՞ւմ եք նախագահի պաշտոնում

Irina Abovyan

«Ուզում են մազ, թուք, եղունգ». ի՞նչ են փնտրել ՔԿ աշխատակիցները՝ երեխային կորցրած մոր տանը

Irina Abovyan

Հարցում. Ի՞նչ եք նվիրելու մարտի 8-ին

Irina Abovyan