Քաղաքականություն

ՀՀ քաղաքական ղեկավարությունը պատրաստ է խաղաղության դարաշրջան բացել տարածաշրջանում․ Աննա Հակոբյան

ՀՀ վարչապետի տիկին Աննան Հակոբյանը Սանկտ-Պետերբուրգում մասնակցել է Կանանց եվրասիական երրորդ համաժողովին։

Այս մասին նա հայտնել է «Ֆեյսբուքի» իր էջում և լուսանկար հրապարակել։

Աննա Հակոբյանը նաև ելույթ է ունեցել «Կանանց առաքելությունը խաղաղության և վստահության դիվանագիտության զարգացման գործում» նիստում։ Ինչպես հայտնում է Հանրային հեռուստաընկերության լրատվական բաժինը, վարչապետի տիկինն ընդգծել է՝ Հայաստանի քաղաքական ղեկավարությունը պատրաստ է կառուցողական երկխոսության՝ մեր տարածաշրջանում թշնամանքի մթնոլորտն աստիճանական հաղթահարելու և տարածաշրջանի բոլոր ժողովուրդների համար խաղաղության դարաշրջանը բացելու նպատակով։ Այս համատեքստում նա ընդգծել է, որ կանայք կարող են ստեղծել այլընտրանքային հարթակներ և կառույցներ խաղաղության հասնելու համար:

«Կարծում եմ, որ այսօր արդիական է համապատասխան հարթակի ինստիտուցիոնալացման գաղափարը, որի միջոցով մենք՝ Եվրասիական տարածքի երկրների կանայք, կկարողանանք արտահայտել մեր կարծիքը խաղաղության և անվտանգության, մեր հասարակություններում կանանց դերի, նրանց տնտեսական և քաղաքական ներուժի լիարժեք իրացման համար»,- նշել է Հակոբյանը:

Նշենք, որ համաժողովի կազմակերպիչներն են Ռուսաստանի Դաշնության Դաշնային ժողովի Դաշնության խորհուրդը և Անկախ Պետությունների Համագործակցության մասնակից պետությունների Միջխորհրդարանական վեհաժողովը: Համաժողովին հաջորդել է Աննա Հակոբյանի և ՌԴ Դաշնային ժողովի Դաշնային խորհրդի ղեկավար Վալենտինա Մատվիենկոյի հանդիպումը, որի ընթացքում կարևորվել է կանանց դերը խաղաղության հաստատման և ամրապնդման գործում:

Կարդացեք նաեվ

Իշխանության գորշ կարդինալը. ինչո՞վ է զբաղված Տարոն Չախոյանը կառավարությունում

Irina Abovyan

Ես իմ կլասիկ ցավը տանեմ․․․

Irina Abovyan

Հոկտեմբերի 19-ին Փաշինյանը բավականին ծանր հոգեբանական վիճակում էր, ես երբեք նրան այդ վիճակում չէի տեսել. Շարմազանով

Irina Abovyan

ՏԵՍԱՆՅՈՒԹ. Պարոն Արեյան, ձեր լավատեսությունից եմ ուզում. Թեհմինա Վարդանյան

Irina Abovyan

Շշի գործարան, հյուրանոց, տասնյակ առանձնատներ և տներ․ որտեղի՞ց ՔՊ-ական պատգամավոր գեներալին այս հարստությունը

Irina Abovyan

Ավելի լավ է Լուկաշենկոյին Ծեծեյին, քան թե սենց

Irina Abovyan