Հասարակություն

Սպանություն Երևանում. բնակարանում հայտնաբերվել է դանակի մի քանի հարված ստացած տղամարդու դի (լուսանկարներ)

Այսօր՝ սեպտեմբերի 26-ին, սպանություն է տեղի ունեցել Երևանում: Ժամը 00:50-ի սահմաններում ոստիկանության Մաշտոցի բաժնից ահազանգ է ստացվել Արտակարգ իրավիճակների նախարարության Փրկարար ծառայության 9-11 Ճգնաժամային կառավարման կենտրոն, որ անհրաժեշտ է հրշեջ-փրկարարների օգնությունը, որպեսզի կարողանան բացել Սիսակյան 6 շենքի բնակարաններից մեկի դուռը:

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել է ԱԻՆ ՓԾ Երևանի թիվ 7 հրշեջ-փրկարարական ջոկատից 1 մարտական հաշվարկ՝ օղակի հրամանատար Գրիգոր Գալստյանի գլխավորությամբ:

Ժամանել են նաև ոստիկանության Երևան քաղաքի վարչության պետ Սևան Քոչարյանը, վարչության պետի օպերգծով տեղակակ Արթուր Զաքարյանը և նույն վարչության քրեական հետախուզության բաժնի պետ Հովհաննես Արիստակեսյանը:

Օպերատիվորեն ժամանել են նաև ոստիկանության Մաշտոցի բաժնի օպերատիվ խումբը՝ բաժնի պետի ժամանակավոր պաշտոնակատար Արկադի Սահակյանի և քրեական հետախուզության բաժանմունքի պետ Գևորգ Պողոսյանի գլխավորությամբ:

Փրկարարներն ու ոստիկանները տևական ժամանակ դռան զանգն էին հնչեցնում, որպեսզի դուռը բացեին, քանի որ Մաշտոցի ոստիկանները օպերատիվ տեղեկություններ էին ստացել, որ ներսում մարդ կա: Տեսնելով, որ դուռը չեն բացում, փրկարարները ընթերակաների ներկայությամբ բացեցին դուռը, որտեղ հյուրասենյակի հատակին հայտնաբերում են տղամարդու դի:

Ահազանգով դեպքի վայր են ժամանում Հայաստանի քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժնի խումբը՝ բաժնի պետ Ռուստամ Մախմուդյանի և Հատկապես կարևոր գործերով ավագ քննիչ Վահե Աճեմյանի գլխավորությամբ:

Դեպքի վայրում հավաքված մի քանի քաղաքացիներ, որոնք հրաժարվեցին տեսախցիկի առաջ խոսել, ասում էին. «Մինչ ոստիկաններն ու քննիչները հյուրասենյակում դատաբժշկի գլխավորությամբ զննում էին դին, լավ էր, ոստիկանները ճիշտ կողմնորոշվեցին և հենց բնակարանի մեկ այլ սենյակում հայտնաբերեցին սպանությունը կատարող ենթադրյալ կասկածյալին»:

Ֆոտոլրագրողի տեղեկություններով՝ կասկածյալը Հայաստանի և Իսրայելի քաղաքացի 55-ամյա Յուրի Մ.-ն է, որը բնակարանից բերման ենթարկվեց ոստիկանության Մաշտոցի բաժին:

Տեղում ոստիկաններն ու քննիչները պարզել են, որ սպանվածը նշված բնակարանի բնակիչ, 56-ամյա Վաղինակ Ե.-ն էր:

Դատաբժշկի նախնական եզրակացության համաձայն, նրա մարմնի վրա կար սուր կտրող-ծակող առարկայի հարվածից ստացած մի քանի վնասվածք:

Փաստի առթիվ Աջափնյակ և Դավիթաշեն վարչական շրջանների քննչական բաժնում ՀՀ․ Քր.Օր.-ի 104 հոդվածի 1-ին մասի հատկանիշներով հարուցվել է քրեական գործ:

Ոստիկաններն ու քննիչները դեպքի վայրում հայտնաբերել են արնանման հետքեր, արյունոտ մի քանի դանակներ, իսկ խոհանոցային մեկ դանակն էլ հայտնաբերվել է սպանվածի պարանոցի վրա:

Ֆոտոլրագրողը հայտնում է, որ երբ ոստիկանները կասկածյալին բերման էին ենթարկում, նա հավանաբար գինովցած էր, քանի որ հայհոյանքներ էր հնչեցնում ոստիկանների հասցեին, իսկ ականատես հարևաններն էլ ասում էին. «Հիմա որ ոստիկանները դրան մի քանի մուշտի տան, կասեն վայ, հասեք, մարդուն ծեծեցին, առնվազն երկաթյա նյարդեր պետք է ունենաս, որ քեզ ամենավերջին հայհոյանքները տան, ու դու չհակադարձես, մենք լինեինք, դրա հայհոյանքների համար կարող ա դառնայինք մարդասպան, էլ ինչ ասես, երնեկ էդ տղերքին, որ չհավասարվեցին դրա մակարդակին: Բայց որ էդ քֆուր տվողը, որ 2 օր առաջ էր Իսրայելից Հայաստան վերադարձել, էնտեղի իրավապահներին նկատմամբ նման վերաբերմունք ցուցաբերեր, պատկերացնում ենք, թե ինչ կանեին, էն օրը կգցեին, որ հասանիքը միտը կգար»:

Գ. Շամշյանի տեղեկություններով՝ փաստի առթիվ հարուցված քրեական գործի շրջանակում կասկածյալ Յուրի Մ.-ն ձերբակալվել է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Գագիկ Շամշյանի:

Կարդացեք նաեվ

ՏԵՍԱՆՅՈՒԹ. Միքայել Վարդանյանը Շիրակի մարզի 464 հաշմանդամություն ունեցող երեխայի դրամական օգնություն է հատկացրել

Irina Abovyan

Կյանքից հեռացել է անմահ հերոս Հովհաննես Խաչատրյանի մայրիկը ՝ Աննա Դավթյանը

Irina Abovyan

Նախկին ոստիկանապետի դստերը սպանել է ամուսինը. մանրամասներ

Irina Abovyan

1 օր ջուր չի լինելու

Irina Abovyan

ՏԵՍԱՆՅՈՒԹ. «Ինձ թվում ա՝ արդեն ամեն ինչ տվել ա». քաղաքացիները՝ Փաշինյան-Ալիև հանդիպման մասին

Irina Abovyan

2022թ հորոսկոպի և հայերին տրված ծրագրի բացահայտումը․ Էլյա Հովհաննիսյան

Irina Abovyan