Հասարակություն

Այսօր Ավագ շաբաթն է՝ Ճրագալույց Զատկի

Այսօր Ավագ շաբաթն է՝  Ճրագալույց Զատկի։

Այս օրը պատկերն ու օրինակն է արարչության յոթերորդ օրվա, երբ Աստված հանգստացավ Իր բոլոր գործերից: Աստված վեց օրում արարեց աշխարհը, իսկ յոթերորդ օրը հանգստացավ: Անցած օրերն Աստված պատվեց արարչությամբ, իսկ այս օրը՝ օրհնությամբ ու սրբությամբ:

 Մեծախորհուրդ այս շաբաթ օրը հիշատակվում են Տիրոջ թաղումը և հանգիստը գերեզմանում (Մատթ. ԻԷ 57-61): Այս օրը Հիսուս մարդկանց հոգիների չարչարանքների տունը՝ դժոխքն ավերեց և բացեց հանգստյան տունը՝ Դրախտը: Իսկ յոթերորդ ժամանակաշրջանի հասնելուն պես Տերը կրկին պիտի գա և արդարներին շնորհի աշխարհի սկզբից նրանց համար պատրաստված արքայությունը՝ հավիտենական հանգիստը: Qahana.am-ից տեղեկանում ենք, որ ըստ Եկեղեցական կարգի՝ երեկոյան ժամերգությունից հետո սկսվում է նոր օր:

Երեկոյան մատուցվում է Ճրագալույցի Ս. Պատարագ, որի ավարտին ազդարարվում է Փրկչի հրաշափառ Հարության ավետիսը. «Քրիստոս յարեաւ ի մեռելոց, օրհնեալ է յարութիւնն Քրիստոսի»: Այս ավետիսով ավարտվում է Մեծ Պահքը: Թեև Տիրոջ թաղման հիշատակի օրն Ավագ շաբաթն է, սակայն թաղման գլխավոր արարողակարգը կատարվում է Ավագ ուրբաթ երեկոյան: Իսկ Ավագ շաբաթ օրվա երեկոյան կատարվում է Ս. Զատկի ճրագալույցի արարողությունը՝ այսպիսով եզրափակելով Տիրոջ չարչարանքների շաբաթը և ավետելով Նրա հարությունը մեռելներից:

Կարդացեք նաեվ

Կիրթ տղա էր, ընտիր երեխաներ էին. Հարևանները ցնցված են տեղի ունեցած ողբերգությունից /ուղիղ միացում

Irina Abovyan

Վաղը կեսօրից հետո հանրապետությունում անձրևները կդադարեն. Սուրենյան

Irina Abovyan

Գարիկ Մարտիրոսյանը՝ հայ ադրբեջանական պատերազմի մասին

Irina Abovyan

Վաղվանից պարետատունը չի գործի. ինչ փոփոխություններ կլինեն

Irina Abovyan

Մենք չափազանց թանկ գին ենք վճարել այսօրվա խաղաղության համար. Գագիկ Ծառուկյան

Irina Abovyan

ՊԲ-ն հրապարակել է ևս 21 զոհված զինծառայողների անունները

Irina Abovyan